تقاريرعاجل

استغاثة العاملين بشركة “المصرية العالمية للطيران” لرئيس الجمهورية

الشركة المصرية العالمية للطيران””  ملك ” احمد اسماعيل جودة”
“اعطي الاجير حقة قبل ان يجف عرقه” سيدنا محمد مقلش الكلام دة من فراغ… ازاي بتشغل وقت و مجهود ضغط اعصاب حد بيسعي و بيشقي.. بدون مقابل ازاي بتأجلوا و تخدوا رزق الناس.. ادوا للناس حقوقها.

من جانب مطالبتهم بحقوقهم


طبعا احنا عارفين ان البلد و بلاد كتير اتأثرت بأزمة كورونا بس للا سف احنا مشكلتنا بقلها سنة مع الشركة و صاحب الشركة  و لما جات كورونا استغل الموقف بزيادة انوا يمص في دمنا و ياكل حقوقنا بزيادة اوي… ابتداها من ٥/٢٠١٩ خصومات في مرتبتنا و بدلتنا ٣٠٪ و بعد كدة ٧٠٪ لحد مبقانا بناخد ٢٠٪  منهوم واحنا بنسافر و نتبهدل و نسيب بيوتنا و اهلنا و عيالنا بدون مقابل بل بالعكس كنا بصرف في الشغل علي نفسنا اكل و شرب مش بيوفرهولنا حتا في الطيارة وكنا ساكتين و مستحملين مع العلم ان الشركة بتكسب مكاسب طائلة عن كل شركات الطيران و الشركة الوحيدة اللي عندها طيارات ملك مش ايجار.


وجاءت ازمة كورونا و الاستغلال الموميت و و راح خاصم ٥٠٪ من المرتب و بعد شهرين خصم ٧٠٪ اقل من الحد الادني  و قعد ٥٠ فرد بدون مرتب نهائي تحت مسمي اجازة بدون مرتب و بعد شهرين قعد ٣٠ فرد تاني بدون مرتب و اجازة جبرية بدون مرتب و منغير تحديد موقفك من الشركة و من غير مايدوك مستحقاتك طبقا لمكتب العمل ….. مع العلم ان كل شركات الطيران اللي مشت ناس من عندها اديتهم مستحقتها كاملة واللي قاعد بياخد ٥٠٪ من المرتب

احنا بقا اللي هما مين عندك اللي بقلهم في الشركة سنة و سنتين و ١٢ سنة من ساعت ما فتحت و من ٢٠ ل٣٥و ٤٥ سنة يعني ناس سنها كبر انهم يغيروا كارير و كمان في ظروف البلاد اللي اكتر مجال اتأثر هوا الطيران

احنا بقا مين ناس فاتحه بيوت عندها عيال و مدارس و مصاريف مدارس مدفعتش و عيال مدخلوش المدارس و فاتت السنة علاهم و مصاريف يومية اكل و شرب مش عارفين نجبها منين والا الديون و القروض حتا بعد التأجيل غرامات و سجن قريب و جمعيات دي حياة كانت ماشية و بيوت مفتوحة وقفت بقلها شهور و احنا عاملين رايحين و جاين من وزارة الطيران لسلطة الطيران للامن الوطني لمكتب العمل للقسم(محضر احوال ٢٥) للشركة  و بلغات و مشاوير بفلوس زيادة مش معانا اصلا بنستلفها الاولي بيها احنا و اهلنا و محدش معبر و اللي بيعبر بيماطل و يفاصل و ياذل فينا دة مش جازات سنين الشقا و التعب طب عيلنا و بيتنا و اهلينا مالهوم ذنبهوم اية

احنا مش عايزين غير حقنا مستحقتنا عشان نعرف نعيش… نعيش بنطلب اننا نعيش بتهيألي مش كتير والاهي حراااام حراام احنا بناشد المسؤلين انهم يجبولنا حقنا من صاحب الشركة دي ايه الظلم بتاعوا دة قادر ينام ازاي محدش قادر عليه من كل اللي روحنلهم 

احنا بناشد”” الرئيس محمد عبد الفتاح السيسي”” اللي احنا متأكدين ان مش هيرضا بالظلم البين دة انوا يجبلنا حقوقنا عيالنا و بيوتنا اللي اتقفلت نعمل فيها ايه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى